Davao City – Usa sa gipangandaman sa National Government ang pag responde ugaling adunay epekto ang COVID vaccine nga iturok sa mga Pinoy.
Sa pakighinabi sa DXDC RMN Davao kang Dr. Ashley Lopez CHO chief & COVID-19 focal, aduna nay budget ang National Government bahin sa nahisgutan.
“Nahatagan na ta og budget sa national government, I think that’s 500 million pesos intended for indemnification agreement… in case naay adverse effects that will happen sa pag proseso sa bakuna,” segun ni Lopez.
Dugang niini, wala pay eksaktong petsa usab sa pag abot sa COVID vaccine sa Davao gumikan ginahan-ay pa ang indemnification agreement kun ang sabot tali sa kumpanya sa vaccine ug sa gobyerno sa Pilipinas ugaling adunay epekto ang iturok nga COVID vaccine sa mga pinoy.
Samtang gahulat ang Davao City LGU, aprubado na usab ang ordinansa bahin sa COVID-19 immunization sa dakbayan diin sumala ni Lopez importante kini sa pagpatuman sa immunization activity sa lungsod.
RadyoMaN Renz Barbarona
