Davao City – Tunga sa milyon ka pesos ang kantidad sa damyos sa sunog nga nahitabo Miyerkules sa gabie sa Kasilak Bucana, Brgy. 76-A siyudad sa Davao.
Subay sa imbestigayon nga gilusad ni Fire Officer 2 Eddie Polinar, lima ka balay ang totally damaged samtang duha ka panimalay ang partially damaged.
Sumala pa dunay nagluto niadtong tungora sa panimalay ni Ana Tandaan ug wala mabantayi diin paspas nga mikanit ang kalayo diin miresulta sa pagkasunog sa mga balay diin naapil pagkasunog ang usa ka bakantieg luna nga gihimong garahe-an sa mga residente.
Kasagaran sa mga nabiktima sa sunog mga nag renta sa maong lugar kinsa karon temporaryo nga gihikling sa covered court gym sa kasilak Brgy. 76-A.
Gideklara nga nafire out ang sunog alas-10:15 kagabie.
RadyoMaN Don Pulayao
