Davao City – Mokabat sa P500,000 ang damyos sa sunog natigayon alas-3:46 sa hapon nahitabo sa may Gontian St. Blk 17, El Rio Vista, Brgy. 19-B siyudad sa Davao.
Sa imbestigasyon sa kapolisan, gipanag-iyahan ang maong panimalay sa usa ka Beatriz Felicitas, 86-anyos.
Nasayran nga ang maong balay gama sa semi-concrete diin nagsugod ang pag-ulbo sa kalayo sa ikaduhang andana ug paspas kini nga mikanit.
Dali kining narespondehan sa Central 911 Fire Auxiliary Services, Filipino-Chinese Firefighters Foundation of Davao, Davao Volunteer Fire Brigade ug C.B. Bangoy Sr. Fire Station diin gideklara kining fire-out alas-4:49 sa hapon.
Sa gihimong imbestigasyon ni Fire Officer 2 Jarrissah Pizarras sa C.B Bangoy Sr. Fire Station, napasagdaang nakasaksak nga electric fan sa ikaduhang andana ang tinubdan sa maong sunog.
RadyoMaN Don Pulayao
