Davao City – Sikop sa Sta. Ana Police Station ang tulo ka mga tigpayuhot og iligal nga droga sa managlahing buy-bust operation.
Mga dinakpan mao sila Karl Aaron, alias Ron-Ron, 20 anyos, construction worker, residente sa Malvar Street, Brgy. 7-A; James Carlo Casaba, alias Yan-Yan, 26 anyos, lending collector, nagpuyo sa Cory Village, Brgy.Paciano Bangoy; ug Rex Tahir Musa, 42 anyos, chainsaw operator, taga-Brgy. Inug-ug, Pagalungan, Maguindanao.
Sumala pa malampusong napalitan sa kapulisan ang tulo ka mga suspect sa duha ka sachet nga shabu kambiyo ang P1,500.00 nga buy-bust money.
Narecover sa kapulisan ang laing napulo ka managlahing gidak-on sa shabu nga motimbang sa 32.5 gramos ug gibana-banaang mokantidad sa P515,000.00 ingon man mga illegal drugs paraphernalia.
Ang tulo ka dinakpan anaa sa directorate for intelligence drugs watchlist ug mag-atubang sa kasong kalapsan sa RA 9165 (Comprehensive Dangerous Drugs Act of 2002).
RadyoMaN Don Pulayao
