P5milion balor de seahorse ya confisca

55

Balor de P5milion de peso maga seahorse ya puede aguanta el maga miembro del Philippine Coast Guard y Bureau of Customs na Pantalan del Miercoles tarde.
Base na record del shipment, el un container van lleno de maga carton de carga ya sale desde na Tawi-Tawi.
Cuando ya isnpecciona el PCG y BOC ya puede sila nota tiene tambien maga carton adentro ta contene maga seahorse que estimao na 160 quilo.
Amediante del inspeccion na Pantalan, ya llega tambien el dueño del carga si Ramon Saison donde dayun ya pone conele bajo na imbetsigacion.
Pero ya nega si Saison y asegun gendeh disuyu el maga carton seahorse hablando que nusabe le porque tiene maga carton del mencionao species na su cargamento.
Pero nohay cre conele el maga otoridad y ya pone conele bajo na aresto.
Esperanzao ay planta el propio caso con Saison.


Facebook Comments