Davao City – Muabot sa 440 ka mga sako sa piratang mga DVDs lakip na mga CD writers ug mga TV nga nakumpiska sa 20 ka mga tindahan atol sa gikasang City Wide simultaneous raids sa Optical Media Board uban ang Davao City Police Office niadtong Setyembre ang gipangdugmok gawas sa DCPO headquarters karong hapon.
Segun ni OMB chairman Atty. Anselmo Adriano nga human niining ceremonial crashing o destruction nga gamit ang Simba Armored Personnel Carrier ilaha na kining dalaon sa Manila.
“We’re here to enforce the law and also to protect our local film and music industry that had been suffering for so long because of piracy. We want to show everyone and to the public whatever we confiscated out here we destroyed everything wala pong babalik sa market,” sumala ni Adriano.
Sumala ni Adriano nga nagkantidad og P63M ang mga nakuhang kontrabando.
Matud ni Adriano nga wala usab nakasuhan ubos sa RA 9239 kun Optical Media Act of 2003 tungod wala ni usa sa mga ilang gi-subpoenang stall owners ang nipatim-aw sukad niadtong Oktubre.
“Walang nagpakita, nobody responded to our subpoenas,” matud niini.
Samtang, gibutyag ni Tagum nga magpadayon ang ilahang mga operasyon kontra niining pirated DVDs sa syudad subay usab sa ilahang gilagdaang Memorandum of Agreement (MOA) uban ang OMB.
“Continuous ang ating case build-up and monitoring and anytime now we may launch another raids sa mga stores,” sumala ni Tagum.
RadyoMaN Aimee Guinita
