Davao City – Gikatakdang itunol sunod semana sa City Social Services and Development Office (CSSDO) ang pinansyal nga ayuda ngadto sa mga nasunugan sa bulan sa Abril.
Sumala ni CSSDO Ugnayan Section Head Ma. Luz Farañal nga mokabat sa P650,000 ang sumada sa giandam nga tabang sa lokal nga panggamhanan.
Matud ni Farañal para kini sa mga apektado sa sunog nga natigayon sa Matina Aplaya, Tibungco ug sa Bangkerohan.
Ang pamilya nga totally damage ang mga panimalay modawat og P10,000, P5,000 kada pamilya nga partially damage, renters, sharers ug P2,000 sa mga boarders.
Base sa rekord sa CSSDO, mudawat og total nga P337,000 nga financial assistance ang mga Bangkerohan fire victims.
22 ka mga pamilya ang totally damage ang mga panimalay, 2 ka pamilya ang partially damage, 15 ka mga pamilya nga renters, 5 sharers ug 17 ka mga inbidwal nga mga boarders.
Samtang P280,000 ang mga biktima sa sunog sa Matina Aplaya nga adunay 21 ka mga pamilya ang totally damage ang mga panimalay, usa ang partially damage, 8 ka pamilya nga mga renters, usa ka sharer ug napulo ka mga boarders.
Ang Tibungco fire victims anaa sa P30,000 ang dawaton nga ayuda lakip niini ang house owner ug upat ka mga renters.
RadyoMaN Aimee Guinita
