Davao City – Anaa sa sais (6) milyones ka pesos ang pundong gigahin alang sa libreng Reverse Transcription Polymerase Chain Reaction (RT-PCR) test sa Davao International Airport.
Matud ni Davao City Mayor Sara Duterte-Carpio, ang maong kantidad nakalatid sa Bayanihan to Heal as One Act ug gitagana sa testing sa pribadong pasilidad.
“Naa sa Bayanihan to Heal as One Act is six million (pesos). Allotted na siya for testing in a private testing facility. Mao na atoang gina consume, ginagamit sa pagkakaron,” butyag sa alkalde.
Segun sa Mayor, kung mahurot na ang maong pundo, gamiton na ang mga gi-donar nga mga RT-PCR ug ribonucleic acid (RNA) test kits aron gamay nalang ang mabayran sa syudad.
Matud sa Mayor, ugaling mahurot na usab ang maong gihatag nga mga kagamitan, dinhi na magkuha og pundo gikan sa lokal nga kagamhanan.
RadyoMaN Kirby Manzon
