TACLOBAN CITY – Target yana nga bulan han Hunyo nga mahuman an P70-milyones
nga kantidad han pagpa-ayos ngan pagpa-upay han Leyte Sports Academy o kun
Grandstand.
Sumala kan Leyte Governor Leopoldo Dominico Petilla, hira in naglalaum nga
antis an Hunyo 30 in matapos na an pag-rehabilitar han Leyte Sports
Development Center kun diin amo an magigin venue ha pagdudumaraon nga
Pintados-Kasadyaan Festival 2018.
An proyekto in nagtikang dida han nakalabay nga tuig nga gin-implementar
han Department of Public Works and Highways nga ginpondohan han National
Disaster Risk Reduction Management Council (NDRRMC)ha pag ayad han atop,
bleachers, track and field ngan swimming pool.
Mahihinumduman nga an mao nga Sports Complex in nag-serbe kumo Command
Center han magkadurudilain nga ahensya matapos an paglasurbo han
Supertyphoon Yolanda dida han tuig 2013 nga usa nga rason kun kayano an
NDRRMC an nagpondo han mao nga proyekto.
