Davao City- Mokabat sa P73 milyones ang gibiling danyos sa mga sunog sa dakbayan sa Davao gikan Enero hangtod Setyembre ning tuiga 2023.
Sa interbyu sa DXDC RMN Davao kang SFO4 Ramil Gillado, Davao City Fire District Intelligence and Investigation Section chief, nakatala og 490 ka mga sunog sa nagkadaiyang parte sa dakbayan.
Sa maong period pinakadaghan gihapong sunog nga nahitabo sa mga residential areas.
Nag-una gihapong rason sa mga fire incidents tungod sa electrical related.
Gipahimangnuan ni Gillado ang publiko ilabina karong ‘Ber months nga mag-igmat ug likayang mamalit og mga substandard nga mga appliances, dili pasagdan ang mga electric materials aron dili kini mag-overheat kun overload ug siguruhong una man manlakaw walay nabiyaang mga kandila, niluto ug mga flamable materials aron di kini mamahimong hinungdan sa sunog.
RadyoMaN Aimee Guinita
Facebook Comments
