Davao City- Nisaka og 26.4% ang kantidad sa damyos sa sunog karong tuiga sa Davao City.
Sumala ni SFO4 Ramil Gillado, Davao City Fire District (DCFD) Intelligence and Investigation Section chief, gikan Enero-Nobyembre 2023 mokantidad na sa P73 million ang damyos sa sunog.
Sa datos sa DCFD karong Nobyembre, 530 na ang natalang fire cases ug 18.8% usab ang pagsaka sa ihap sa sunog kung ikumpara sa 2022 nga 446 ka mga insidente.
Pinakadaghan gihapong sunog nga nahitabo sa mga residential areas nga anaa sa 191, gisundan kini og 139 ka ihap sa sunog sa mga electrical post.
Nag-una gihapong hinungdan sa sunog mao ang electrical.
Nisaka usab sa pito ang death toll nga ang mga biktima nanga-trap sulod sa nasunog nila nga mga balay.
RadyoMaN Aimee Guinita
Facebook Comments
