Davao City – Nigawas sa imbestigasyong sa Anti Scam Unit nga gihold-up sa ‘Budol-Budol’ Gang ang usa ka senior citizen nga pensioner nga si alyas Amy, 72-anyos, ug nagpuyo sa Morales Village, Matina Crossing ning siyudad.
Sumala ni Retired Police Chief Inspector Semplicio Sagarino, head sa Anti Scam Unit, migula sa ilang imbestigasyon nga gitiunan matud pa og kutsilyo ang lola sulod sa ilang panimalay samtang gipanghiman na ang mga alahas, gadget ug mga cash.
Lakip gi-withdraw sa mga suspek ang sulod sa iyang passbook didto sa usa ka banko sa dalang Ecoland ug nakuha ang kapin P500,000.
Giingon ni Sagarino nga nagrequest na ang buhatan sa Anti Scam Unit ngadto sa bangko nga gitransakan sa nahisgutang lugar aron makuha ang hulagway sa mga ‘Budol-Budol’ gang suspects pinaagi sa CCTV footage.
Gikanayon ni Sagarino nga kung maila na ang mga suspect sa responsableng pagpangilad, walay pagpanuko ang taga-Anti Scam Unit sa pagpasaka og kaso ngadto sa City Prosecutor’s Office ning dakbayan.
RadyoMaN Don Pulayao
