Ginaduso karon sa Kamara ang hagna nga nagatalana sang daku nga sweldo para sa mga doktor nga magatrabaho sa gobyerno.
Sandig sa House Bill No. 3923 nga gin-file ni Quezon City Representative Anthony Crisologo, luyag sini nga hatagan sang minimum nga sweldo nga Salary Grade 24 ukon P80,000 tubtob P90,000 kada bulan ang mga licensed medical physicials nga magaubra sa gobyerno.
Lakip sa hagna ang mga doktor nga regular nga empleyado sa local kag national government units nga nagaserbisyo sang indi magnubo sa 40 oras kada semana.
Samtang ang mga doktor nga madesignar sa malayo nga lugar ukon conflict areas ang hatagan sang subsistence allowance kag hazard pay.
Ginpahayag pa sang mamalidha nga daku ang kinahanglanon sang pungsod sa mga doktor ilabi na sa panahon sang pandemiya kag dapat maganyat ang mga ini nga magtrabaho sa gobyerno pinaagi sa pagpasaka sang ila sweldo.
<www.avg.com/email-signature?utm_medium=email&utm_source=link&utm_campaign=sig-email&utm_content=webmail>
