Natingala ni Ponteras kung nganong daku kaayo ang intel fund sa Marcos administration ubos sa General Appropriations Act (GAA) subay sa Annual Budget for 2024 nga gisumite sa Department of Budget and Management (DBM).
Dugang ni Ponteras nga ang intel fund ni PBBM mas daku pa sa panahon sa Duterte administration nga kon buot hunahunaon, dili man kini ilado sa hisgutanang peace and order ug namalik man gani ang krimen karon sukad nabutang sa gahum si PBBM.
Alang kang Ponteras, duplikasyon na ang intel fund sa Marcos administration sa pondo sa mga law enforcement agencies sama sa PNP ug ang P9.2B daku na unta kini og tabang sa mga kabus kon idapat kini sa mga basic services nga gikinahanglan sa katawhan.
Apan karon nga nalakip sa Annual Budget ang binilyones ka pesos nga intel fund sa administrasyon, gihagit ni Ponteras si PBBM nga pamatud-an ug ipakita sa katawhang Pilipino ang pagpatunhay sa kahapsay ug kalinaw sa nasud gikan sa mga kriminal nga gabuhat og dautan batok sa katawhan.
RadyoMaN Joel Viray
