Nagpaandam si Department of Interior and Local Government Undersecretary Martin Diño nga pagakakason sa puwesto ang mga barangay officials nga involve sa illegal nga druga.
Ini kasunod sang pagbuyagyag niya nga yara sa 9 mil ka mga barangay kapitan sa bug-os nga pungsod ang yara sa narco-list ni presidente Rodrigo Duterte.
Suno kay Diño nga desidido ang presidente nga kakason sa ila posisyon ang mga barangay chairmen nga involve sa ilegal nga druga.
Bangud sini, pinaagi sa DILG, ginpat-od ni Diño nga makasuhan kag mabilanggo ang mga barangay chairmen nga yara sa listahan.
Nagpahanumdum man ang opisyal sa mga kapitan sang barangay nga isumiter na sa Philippine Drug Enforcement Agency ukon PDEA ang ila barangay drug watch list antis ukon sa Abril 1.
Bangud kon indi, posible sila nga masuspender ukon makakas sa puwesto.
