Davao City – Naglaum ang City Government of Davao nga daghan pang mga Dabawenyo sa syudad sa Davao ang mabakunahan batok Coronavirus Disease 2019 (COVID-19).
Gibutyag ni Davao City Mayor Sara Duterte-Carpio (sa interbyu sa city-owned radio) nga sa milabay nga semana, aduna nay gihimong pa-raffle ug adunay usay entertainment pinaagi sa kumedyante atol sa ‘Bakuna Nights’, apan gipahimangno sa alkalde nga dili magpanon sa venue ug magpabakuna na kung aduna nay schedule sa ubang vaccinations sites.
“Naa na ‘tay raffle karon sa atong ‘Bakuna Nights’ nga hopefully maka engganyo sa atong mga employed residents of Davao City to avail after office hours nga vaccination,” matud sa mayor.
Kahinuduman nga gihimo ang dry run sa ‘Bakuna Nights’ niadtong September 23-24 paghatag tyansa sa mga indibidwal partikular na mga trabahante nga dili makahigayon og pagpabakuna sa adlaw.
RadyoMaN Kirby Manzon
