Manila, Philippines – Nagpaalala muli ang Department of Education (DEPED) na hanggang Biyernes, April 27 na lamang sila tatanggap ng aplikasyon para sa Senior High School Voucher Program (SHS VP).
Layunin ng programa na gawing accessible at affordable sa mga mag-aaral sa buong bansa ang basic education.
Sa tulong nito, ang mga magtatapos ng grade 10 sa school year 2018-2019 ay mabibigyan ng opsyon na makapag-enroll sa private schools, State Universities and Colleges (SUCs), Local Universities And Colleges (LUCs) kabilang ang technical at vocational schools.
Ang applications ay maaring ma-fill up online sa website na: ovap.deped.gov.ph
Pinayuhan din ng DEPED ang mga aplikante na sumangguni sa guidelines para sa nasabing application.
Facebook Comments
