Manila, Philippines – Ilang lugar sa Maynila ang maaapektuhan ng scheduled power interruption ng Manila Electric Company (MERALCO) dahil sa isasagawa nitong “replacement of facilities” sa lugar.
Magsisimula ang power interruption alas 11:30 ng gabi sa Martes, Oktubre 23 hanggang sa araw ng Miyerkules, Oktubre 24 ganap naman na 5:30 ng umaga.
Kabilang sa apektado ang Recto Avenue mula sa Loyola Street kabilang ang San Sebastian Street at ang San Sebastian College hanggang Recoletos de Manila.
Pero pagsapit ng alas 11:30 ng gabi ng Miyerkules, magkakaroon ulit ng power interruption hanggang alas 5:30 ng umaga sa Huwebes, Oktubre 25.
Ito ay dahil naman sa line reconducting works sa kahabaan ng J. Nepomuceno street sa Quiapo, Maynila.
Facebook Comments
