Labi pa nga pabaskugon sang Police Regional Office 6 ang war on drugs subong nga tuig.
Ini sa tunga sang kadalag-an nga nalab-ot samng PRO-6 sa kampanya kontra druga sang nakaligad nga tuig 2018.
Ginpahayag ni PRO_6 Spokesperson Supt. Joem Malong, padayunon sang kapulisan ang mga estratehiya nga ila ginhimo sang nakaligad nga tuig agud madakpan ang mga durugista sa rehiyon.
Base sa data sang PRO-6, naglab-ot sa 162 milyones pesos nga balor sang ilegal nga druga ang nakumpiskar sang mga otoridad sang 2018 kag target nila nga malabawan ini subong nga tuig.
Suno kay Malong nga base sa direktiba ni PRO-6 Director Chief Supt. John Bulalacao, dapat may yara sang significant increase sa anti-drugs operations karon nga tuig.
Facebook Comments
