Pacman homecoming sa Gensan giatangan

Davao City – Naghinamhinam na ang katawhan sa General Santos City nga makauli si Sen. Manny Pacquiao gikan sa baguhay nahuman nga binukbokay batok sa napildi nga si Argentinian boxer champion Lucas Mathysse sa Kuala Lumpur, Malaysia kagahapon’g adlawa.

Usa ka Hero’s Welcome ang giandam sa lokal nga kagamhanan sa siyudad sa Gensan alang kang Pacman gumikan sa laing garbo ug kalampusan nga nahatag niini dili lang sa Gensan apan sa tibuok nasud human gipildi si Mathysse sa ilang away kagahapon’g adlawa.

Nagsaulog ang mga taga-Gensan ug mga taga-Sarangani kay wala sila pakyasa sa senador nga i-knock-out si Matthyse ibabaw sa ring.


Nasuta nga nagpalibre og tan-aw ang lokal nga kagamhanan sa mga taga-Gensan sa away ni Pacman ug Mathysse diin wala kapugngi sa katawhan ang ilang pagsiyagit matag mahagba ang kontra.

Tungod ani, daghan sa mga fans ni Pacman nagsulti nga buot pa nila makita ang ‘People’s Champ’ nga muaway gihapon sa ibabaw sa ring sa sunod nga mga bulan ug katuigan.

RadyoMaN Joel Viray

Facebook Comments