Pacman Hugot Na Ang Pagbansay

12

Hugot na ang ginahimong pagbansay ni People’s Champ Manny Pacman Pacquiao alang sa nagkaduol nga laban niini batok kang Timothy Bradley sa April 9 (April 10 sa Pilipinas) sa MGM Grand sa Las Vegas Nevada.

Kabahin sa pagbansay niini mao ang jogging, dulang volleyball, basketball ug uban pa isip kabahin sa iyahang preparasyon. Uban niini ang iyahang bestfriend ug assistant trainer nga si Buboy Fernandez.

Sa milabayng semana, upat ka adlaw si Pacman sa iyahang jogging session sa loob ng Acharon Sports Complex sa Barangay Calumpang ug niadtong  byernes sa sulod lamang  kini sa iyahang mansion ug nagduwag basketball.

Sa interview sa  DXMD RMN GENSAN kang Buboy Fernandez, gibutyag niini nga wala na  matud pay angayang kabalak-an sa kondisyon ni Pacman  hilabina gyud ang naoperahan niini nga abaga.

Sumala pa nga mismong ang Doctor ni Pacquiao ang minghatag ug pagtugot kaniya nga mamahimo ng makadula pag-usab ug wala na kini angayang kabalak-an sa iyahang abaga.

Dugang ni Buboy Fernandez nga usahay ginabag-o nila ang schedule aron dili usab mabug-atan pag-ayo si Pacman sa iyahang pagbansay hinungdan nga naay mga panahon nga kini anaa lang sa iyahang mansion.

Facebook Comments