GENSAN – Ana sa 60 ngadto na sa 70% ang kaandam ni pambansang kamao Manny Pacquaio, alang sa umaabot nga laban nilang Timothy Bradley sunod bulan.Kini ang pamahayag ni Congressman Pacquiao sa RMN Gensan, hinuon kapin bulan paman ang paabuton ayha ang laban nila ni Bradley busa taas pa ang panahon sa iyang pagbansay.Dili pa usab ikabutyag ni manny kung kanus-a ang ilahang byahe padulong sa us Aron ipadayon ang iyahang training apan may mga report nga posibleng sa sunod semana na.Bahin sa isyu niini nga diskwalipikasyon human gi-petisyunan ni kanhing akbayan Congressman Walden Bello, no comment na si Pacman ug iyaha nalang gitugyan sa iyahang mga abugado . Sumala niini si Atty. Romulo Macalintal ang maoy ilahang gitahasan nga motubag sa isyu. (INAH DAVEN DXMD RMN GENSAN)
