Pacquiao ginguba ang undefeated record ni Thurman

268

Ginkaon ni American boxer Keith Thurman ang iya ginahambal nga iya pierdehon niya si Fighting Senator kag People’s Champ Manny “Pacman” Pacquiao.
Sa round 1 pa lang sang hampang, natumba na si Thurman matapos maigo sang right punch ni Pacquiao.
Sa masunod nga rounds sang hampang nagbawi naman si Thurman sa diin mas nangin agresibo ini kag nabatuan ang counter punches ni Pacquiao.
Sa ginhaboy nga mga sumbag ni Thurman, wala ini makapatumba sa boksingero nga senador.
Sang ulihi, gindeklarar nga daog kag naagaw ni Pacquiao Ang WBA Welterweight Super champion split decision sa hampang nga ginhiwat sa MGM Grand Arena sa Las Vegas, Nevada.
Ini ang labing una nga kapierdehan ni Thurman sa iya 12 anyos nga boxing career.

Facebook Comments

From Advertisers