Davao City – Ang daghang bentaha ni Eight Division World Champion ug Senador Manny Pacquiao ang mahimong susi aron mudaog sa away batok kang kanhi American Unified World Champion Keith Thurman nga pagahi-moon sa MGM Grand Garden Arena sa Las Vegas sa adlaw’ng Sabado ug Domingo dinhi sa pilipinas.
Matud ni Councilor Edgar Ibuyan, Sr. nga hawid ni Pacman ang dakong bintaha aron mudaog kontra sa undefeated fighter nga si Thurman nga dunay record nga 29 ka daug apil na ang 22 ka TKO win.
Sumala ni Ibuyan nga bisan tuod og 39 anyos na si Pacman itandi kang Thurman nga 29 anyos pa anaa pa gihapon ang kapaspas, kaabtik, ug ang kakusog sa iyang mga kinumo nga mao unya’y mupukan sa Amerikanong boksidor pag-abot sa ibabaw sa ring.
Aminado ang konsehal nga mas bata ug taas si Thurman ikumpara kang Pacman apan ang lamang nga kasinatian sa boksing maoy maghatud sa kadaugan sa Pinoy pound-for-pound king karong Domingo.
Nagpabilin man ang punching power sa Pinoy Icon apan lisod masulti sa pagkakaron kun mahagba ba si Thurman hinoon ang usa sa makapadaug kang Pacman sa away mao ang mga puntos niini, dugang ni Ibuyan.
RadyoMaN Joel Viray
