Davao City – Hinay-hinay na sumala pang napaabot ang tabang sa mga biktima sa linog partikular na sa Padada, Davao del Sur subay sa impormasyon sa Municipal Disaster Risk Reduction and Management Council (MDRRMC).
Sa interbyu sa DXDC RMN Davao kang Era Omilda, personahe sa MDRRMC Padada, gibutyag niini nga ginapang apod-apod na sa Local Government Unit (LGU)-Padada sa mga barangay ang mga donasyon nga gipa-abot ingon man ang tabang gikan sa mga pribadong sektor.
“Naa tay mga private sectors nga nagahatag og trapal tapos atong LGU, naa na man goy naabot nga donation naga distribute na pud sila per barangay para ma-accommodate gyud tanan ug mahatagan gyud tanan pamilya,” saysay ni Omilda
Gibutyag niini nga ila gihapong nag-unang panginahanglan mao ang dugang pagkaon tungod kay wala pay mga abring establisemento o palengke, tubig ug tent nga magamit sa mga evacuation centers.
RadyoMaN Kirby Manzon
