Dipolog City-Padayon pa karon, ang gihimong pagmonitor sa kapulisan dinhi sa Probinsya sa Zamboanga del norte ngadto sa mga nagkadaiyang mga Lotto Outlet ug mga STL Outlet ilabi na dinhi sa dakbayan sa Dipolog.
Gani gipangbisita sa kapulisan ang mga Outlet aron personal nga makita ug pagbutang sa mga pahinumdom sa pagpasira niini, kini may kalabutan sa kinalit nga mando ni Pang. Duterte nga temporaryo unang ipasira samtang adunay gihimong imbitisgasyon tungod sa gikatahapang kurapsyon nga gikalambigitan sa dagkong opisyal sa PCSO.
Lakip usab nga imonitor sa kapulisan dinhi sa probinsya ang posibleng pagtumaw sa mga illegal nga number games sama sa Jai Alai kaniadto.
Gipaniguro usab sa taga PCSO nga mahatag ang daog sa mga indibidwal nga naka taya niadtong byernes sa gabie kini may kalabutan sa kabalaka sa mga katawhan nga midaog nga basin dili na nila makuha ang daog diha sa mga lotto outlet, pero samtang nagpadayon ang imbistigasyon pending una ang premyo.
Gipasabot usab sa taga gobyerno ngadto sa mga tawo nga nanginahanglan ug mga tabang pinansyal sa medical nga nagapadayon ang ilang paghatag tungod kay aduna paman kini nahabiling pondo dihasa ilang buhatan.
Gipasabot usab ni Zamboanga del norte Lotto Provincial Coordinator Analiza Narcisa, ang mga benepisyo nga makuha sa mga katawhan nga mangayo ug tabang medical ug ang ka importante sa Lotto.
Dako sab ang pasalamat ni Lotto Coordinator Narcisa nga ibalik na ang operasyon sa Lotto gawas lang sa Small Town Lottery (STL) nga kasamtangan isirado samtang nagapadayon ang gihimong imbistigasyon.
Karong adlawa pwede na maka taya sa nagkadaiyang lotto Outlet ang mga indibidwal nga gusto mo taya sa mga lotto Draw kini human gipahibalo ni Spokesperson Salvado Panelo.
