Davao City – Inay maglingaw-lingaw, miresulta na hinuon kini sa trahedya human nadisgrasya ang usa ka elf truck sakay ang mga indibidwal nga padulong mag-outing sa dagat, diin lima ang kumpirmadong patay.
Sa interview sa DXDC RMN Davao kang PSSg. Gabriel Dumanhug sa Talaingod Municipal Police Station, iyahang gibutyag nga nahitabo ang aksidente alas 9:30 sa buntag kagahapon June 23, 2024 (Dominggo) sa Upper Mesolong, Sto. Niño, Talaingod, Davao del Norte.
Saysay ni Dumanhug nga padulong ang nahisgutan sa Pindasan, Mabini, Davao de Oro aron maligo og dagat, apan pag-abot sa nahisgutang lugar, nawad-an matud pa og brake ang sakyanan rason nga natumba kini ug nalagpot ang mga pasahero.
Gipangdala pa ang ubang pasahero sa ospital, apan didto na sila nakabsan sa kinabuhi. Sa lima nga kumpirmadong patay, wala pay impormasyon kung pila ang hamtong ug menor sa maong ihap.
RadyoMaN Kirby Manzon
Tags; DXDC 621 RMN DAVAO
Facebook Comments
