Paeng PH: 8 ka barangay sa Davao nagdeklara og suspensyon sa klase

Davao City – Muabot sa walo ka nga Barangay sa syudad sa Davao ang nagdeklara og suspensyon sa klase sa tanang lebel tungod sa epekto sa Bagyong Paeng.

Sa interbyu sa DXDC RMN Davao kang Alfredo Baloran, hepe sa Davao City Disaster Risk Reduction and Management Office (CDRRMO), gibutyag niini ang maong mga lugar mao ang Barangay Marilog Proper, Barangay Salumay, Barangay Buda, Barangay Magsaysay, Barangay Bantol, Barangay Malamba, Barangay Salaysay sa Marilog District.

Samtang, nagdeklara usab og suspensyon sa klase ang Megkawayan sa Calinan District ning syudad human nga apektado usab sa dili maayong dagan sa panahon.

Hinuon, hangtud sa pagsulat ning balita walay pay natalang damyos ang CDRRMO sa maong mga lugar.

“Depende sa dagan sa panahon kay na-experience pa nila karon ang kusog nga hangin didto. But so far, wala pa man mi kadawat og significant na mga incident or damages,” matud ni Baloran.

RadyoMaN Kirby Manzon