Davao City – Daghan ang nagmaya sa mga protocols nga gipaluagan subay sa Executive Order (EO) No. 12 Series of 2021 nga gipagula sa City Government of Davao niadtong Lunes (Marso 15, 2021).
Usa na niini ang pag abli sa public market sa syudad matag adlawng domingo, pasabot nga abri na ang palengke matag adlaw gikan alas-3 sa kaadlawon hangtud alas-6 sa gabii.
Sumala sa netizen nga si Robert Cusap, nalipay kini nga mamahimo nang maka-pamalengke og sayo diin kaniadto alas-5 sa buntag pa ginatugot nga makapamalit sa palengke.
Daghan usab nga Davaoeños ang dugay nang nagpaabot nga ablihan ang palengke sa adlawng domingo labi na nga sagad trabahante sa maong adlaw lang usab sila bakante. Nanghinaut usab si Joyce Romero nga hinay-hinay nang mabalik sa normal ang sitwasyon.
Apan padayong gipahinumdom ni Davao City Mayor Sara Duterte-Carpio nga padayong sundon ang mga minimum health protocols batok Coronavirus Disease 2019 (COVID-19), ug mugawas lamang alang sa mga importanteng lakaw.
RadyoMaN Kirby Manzon
