Mabaskog nga ginpakamalaut sang Police Regional Office 6 ang pag-ambush sang New Peoples Army sa mga katapo sang Regional Mobile Force Battalion 6 sa sitio Camansi, Barangay Bolo, Maasin kagab-i nga ginkamatay ni PO1 Joefel Odon kag pagkapilas sang 12 pa ka iban.
Ginpahayag ni Police Supt. Gilbert Gorero, spokesman sang PRO-6 nga isa ka akto sang terorismo ang ginhimo sang NPA kabangdanan nga bagay lamang ang mga ini nga tawgon nga terorista nga grupo.
kaangut sini, nagpanawagan si Gorero sa mga pumuluyo nga untatan na ang pagsuporta sa mga NPA.
Suno sa iya nga indi na dapat maghatag ang mga pumuluyo sang mga ginapangayo sang rebelde bangud para gid lamang sa kaugalingon nga interes ang ginapakigbatu sang mga ini.
