Pag-ampo: Tumong sa ‘Kalag-Kalag’

47

Davao City – Makonsidera nga parte na sa kultura dili lamang sa mga Katoliko apan sa kinatibuk-ang Pilipino ang pagkomemorar sa ‘Todos los Santo’s ug ‘Kalag-Kalag’ pinaagi sa Halloween celebration.

Apang alang kang Msgr. Paul Cuizon sa Sacred Heart of Jesus-Bajada, dili angay ma-‘secularize’ ang value sa maong selebrasyon diin buot pasabot nga dili lamang yano nga selebrasyon apan maglakip og pag-ampo alang sa mga mitaliwan na sa pikas kinabuhi.

“Ang prayer aspect should also be emphasized. Maong sa simbahan naga-encourage gyod ta nga mag-apil sa santos nga misa anang duha ka adlaw kay although the first day is (for) All Saints Day, para sa mga anaa na nag-enjoy sa langit and the second day is All Souls Day which emphasizes the souls of those who are still in purgatory needing for our prayers and intentions,” tataw niini.

Dugang ni Cuizon, usa usab kini ka paghinumdom sa mga ania sa kalibutan nga adunay katapusan ang atong yutan-on ug lawasnong kinabuhi.

“Usa pod ka pagpahinumdom to live fully our life while we are still on the journey because we know that it is inevitable and it will come to us,” segun sa monsinyor.

RadyoMaN Jason Amisola

Facebook Comments