PAG-ANGKAS SA MOTORSIKLO, HUGOT NGA DUMILIAN SANG LTO SA IDALUM SANG GENERAL COMMUNITY QUARANTINE

Indi mahimo mapasugtan ang pag-angkas sa motorsiklo apesar yara na kita sa General Community Quarantine ukon GCQ.
Suno kay LTO spokesperson Riza Otayde nga may memorandum Circular ang LTO Central Office nga nagadumili sa mga naga-angkas sa motorsiklo bisan pa asawa ukon bata ang angkas.
Ginhatagan pagtamod ni Otayde nga kon pasugtan ang pag-angkas sa motorsiklo, madula ang saysay sang Physical distancing sa paglikaw sa coronavirus.
Ginpahayag ni Otayde nga bisan ginapasugtan sang Probinsya kag Siyudad ang pag-angkas base sa ginpaguwa nga executive order, apang kon makita sang mga LTO enforcers ang naga-angkasanay, pagadakpon gid nila bangud nagalapas sa kasuguan nga ginapatuman sang ahensya.