Pag-apod-apod sa libreng binhi sa mais ug abono, nagpadayon

25

Nagpadayon hangtod karon ang pag-apod-apod sa mga libreng binhi sa mais ug abono ngadto sa mga mag-uuma sa mais sa probinsya sa Bukidnon.

Sa interview sa RMN Malaybalay ngadto kang Bukidnon Provincial Agriculturist Engr. Alson Quimba, gibutyag niini nga bisan ug nahuman na sila ug adto sa ubang lungsod pero nagpadayon pa gihapon ang pag-apod-apod sa mga municipal o city agricultures office ngadto sa mga mag-uuma nga wala pa nakakuha ug na-apil sa listahan.


Matud ni Engr. Quimba nga gibasehan sa pag-apod-apod kadtong mga na apil sa listahan sa nakalabay nga distribution.

Mahinumduman nga upat ka tuig na kining gihimosa probinsyal government of Bukidnon diin karong tuiga gipondohan kini ug 608 milyon pesos.

Gi-awhag usab ni Provincial Agricultures Office ang mga kwalipikado apan wala sa listahan nga muadto sa ilang mga agricultural technicians aron ma-evaluate ug mahatagan sa mga programa gikan sa gobyerno.

Nasayran nga mukabat ngadto sa 73, 272 ka mga mag-uuma sa Bukidnon ang makadawat sa 113,188 ka mga sako sa binhi sa mais ug 225,636 ka mga sako sa fertilizer.

Facebook Comments

From Advertisers