Wala sang poder ang City Government nga mabutang sa black list ang Foodwealth Agro Vet Merchandising bangud sa anomaliya sa distribution sang mga native nga manok.
Suno kay City Administrator Atty. Hernando Galvez ini nga poder ara na sa Department of Budget and Management.
Pahayag sang Administrator nga kun blacklisted ang isa ka supplier indi na ini makapasakop sa bidding sa mga proyekto sang gobyerno sa diin man nga bahin sang pungsod.
Samtang gin-ako ni Galvez nga may mga suppliers man sila nga ginsuspend apang indi na kinahanglan ipalayag pa sa publiko.
Ginaduso sang konseho nga i-blacklist ang foodwealth agro vet merchandising bangud sang mga maanomaliya nga transaction sini sa syudad sa nakaligad nga mga projects.
Facebook Comments
