LOOK: Ang aktuwal nga pag-demolish sa panimalay ni Mayor Majul Gandamra, sulod sa Sector 5 sa Osmeña St., Barangay Sangkay, Marawi City. (Divina M. Suson)
Ipahigayon ang pag-demolish sa mga balay o bisan unsang istraktura sulod sa most affected area sa Marawi City nga anaa nagtan-aw ang tag-iya.
Kini bisan paman nga kumpleto sa mga papel, sama sa demolition permit, nga gunitan ang National Housing Authority ug ang kontraktor sa ilang pagpahigayon sa debris clearing ug ang paghipos sa mga debris gikan sa mga ipang demolish.
Matud pa ni Engr. Ikmat Bantuas sa NHA, bu-ot nilang likayan ang nahitabo sa unang kontraktor nga Finmat International Resources, Inc., nga nasuspende tungod kay nagsugod, matud pa, kini pag-demolish bisan walay pagtugot sa mga tag-iya.
Wala usab maka-hatag og demolition permit ang kagamhanang lokal ug wala makakuha ang Finmat og environmental compliance certificate gikan sa Department of Environment and Natural Resources o DENR.
Adunay 6,800 ka mga istraktura sulod sa most affected area. Ang Inter-Agency Committee on Debris Management maoy mo-ila kung unsa niini ang mahimo pa’ng puy-an o kaha ang delikado na puy-an.
409 pa lang ka mga tag-iya ang mihatag sa ilang pagtugot nga ilakip sa pag-demolish ang ilang mga balay o istraktura.
