Davao City – Naibtan og tunok ang pamilyang Bacaling human madungog nga hapit na nilang makab-ot ang hustisya sa pagkamatay sa usa sa miyembro sa ilang pamilya nga si Sheila Mae Bacaling.
Sa eksklusibong pakighiba kang Angelo Bacaling, 18 anyos, manghod ni Sheila Mae Bacaling kinsa usa sa 38 nga namatay sa NCCC Fire sa milaby’ng tuig, gipadayag niini ang iyang gibati.
“Naibtan na gyod [mi] og tunok kay mahatagan na gyod og hustisya ang pagkamatay sa akong ate kay mao na among ginapaabot nga kailangan naay manubag sa maong panghitabo,” segun ni Angelo.
Samtang ginapaabot pa ang assessment sa DOJ bahin sa imbestigasyon sa DILG, walay lain hinaot ang pamilyang Bacaling kun dili makab-ot lang ang hustisiya.
Sa pikas bahin gikumpirma ni Angelo nga gina-follow up sila sa NCCC bahin sa iyang scholarship ug sa mga gikinahanglan niini samtang wala sila gisulayan og contact sa Survey Sampling International (SSI).
RadyoMaN Jason Amisola
