Davao City – Dili na matud pa pwede maka-file karong panahona og calamity loan sa pag-IBIG fund dinhi sa Davao City.
Sumala ni Lorna Diez, Chief of Division sa Pag-IBIG Fund Davao Bajada atol sa interview sa DXDC RMN Davao kaniya, niadto pang June 22, 2020 nahuman ang filing sa calamity loan.
Matud pa nagsugod niadtong March 2020 ang filing diin 90 days period lamang ang gitagana sa maong buhatan alang sa mga miyembro.
Samtang gidugang usab niini nga ang moratorium application nahuman na usab niadtong June 15, 2020.
Ang maong diskusyon gimugna sa Serbisyong Straight to the Point agi’g tubag sa daghang pangutana sa mga Pag-IBIG fund members nga gipadangat sa sibyahanan sama nila John Rivera ug Maria Mabayao ilabi na bahin sa hisgutanang calamity loan human sagad karon naapektuhan sa COVID-19 pandemic.
RadyoMaN Renz Barbarona
