Davao City – Gitino karon sa Pag-IBIG fund ang bahin sa membership sa mga indigent Filipinos.
Sa pakighinabi ni RadyoMaN Misel Miral-Galve kang June Fernandez uban si Chrislen Campaña sa Pag-IBIG Fund Davao atol sa Serbisyong Straight to the Point, gipasabot sa mga personahe nga adunay choice ang usa ka indigent og magpamiyembro kini sa Pag-IBIG fund.
Matud pa nga ang Pag-IBIG fund dili parehas sa Philhealth nga covered ang mga indigent sa insurance gumikan ang Pag-IBIG fund maoy usa sa mga pamaagi nga makatigom ang bisan si kinsa mang gusto makapamiyembro busa og buot sa mga indigent Filipinos nga magpamiyembro, kinahanglan mubayad og 200 pesos kung self-employed samtang kaltas sa sweldo ang 100 pesos ug counterpart sa employer ang dugang 100 pesos alang sa mga employed members.
RadyoMaN Renz Barbarona
