Davao City – Walay angay ikabalaka ang mga miyembro sa Pag IBIG fund bahin sa mga kontribusyon nga ginahulog sa ilang mga employers gumikan pwede kining ma-check.
Sumala nila Romeo Abucejo ug Jessa Torres sa Pag-IBIG fund Bajada atol sa interview kanila ni RadyoMaN Misel Miral-Galve sa Serbisyong Straight to the Point sa DXDC 621 RMN Davao, pwede mu-contact sa Pag-IBIG fund Bajada office nga mao ang 222-8055 aron makapangutana sa staff og pila ka bulan na ang nahulog nga kontribusyon o updated ba ang payment apan gitino niini nga dili ma-disclose ang amount pinaagi sa pagtawag sa telepono.
Apan og gusto mahibal-an ang kantidad sa nabayran nga kontribusyon, kinahanglan og personal appearance sa opisina gani pwede usab sila mag-request og hard copy o statement of accounts basta dunay mapresenta nga valid ID.
RadyoMaN Renz Barbarona
