Sa pihak sang pandemya nga nagaluntad sa pungsod, nalab-ot sang Pag-ibig Fund ang panibag-o nga record matapos makapaguwa sang 44 billion pesos nga home loans para sa una nga quarter sang 2021.
Base sa datos sang ahensya, humalin sang Enero tubtub Hunyo subong nga tuig, kabug-usan nga 44.34 billion pesos ang napaguwa nga makabig nga pinakamataas nga kantidad kag doble nga mas mataas naman ss 20.80 billion pesos sa kapareho nga panahon sadtong 2020.
Mas mataas man ini sa 37.07 bilion pesos nga napaguwa sadtong Enero tubtub Hunyo 2019 nga wala pa napatuman ang community quarantine sa metro Manila kag pila ka bahin sang Luzon.
Paathag naman ni Secretyary Eduardo del Rosasrio, head sang department on settlements and Urban development kag 11-member sang pag-ibig Fund board of trustees, indikasyon ini sang pagdamo sang mga Pilipino nga luyag mangin parte sang Pag-ibig home loan programs.
