Davao City – Giklaro sa Pag-IBIG Fund Davao nga pwedeng padak-an ang savings sa mga members niini sa ilang mandatory savings.
Gibutyag ni Romeo Michael Abucejo ug Jeny Mae Gargueña sa Pag-IBIG fund Davao atol sa interview sa tulumanong Serbisyong Straight to the Point nga kinahanglan lang ingnan ang staff or in-charge sa payment sa Pag-IBIG office nga magdugang og bayad alang sa savings o kung salary deduction, mamahimong ingnan ang HR nga padak-an ang contribution aron madugang didto sa savings account sa member.
Matud pa nga og mas dako ang savings, mas dako usab ang loan entitlement sa housing ug multi purpose loan.
Samtang nagpahinumdom usab ang Pag-IBIG fund ngadto sa mga employers nga wala nakabayad sa kontribusyon sa ilang mga empleyado sulod sa pila ka bulan ug tuig nga mamahimong mag-file og Penalty Condonation sa savings hangtod karong August 25, 2018.
I-download lang matud pa ang form sa www.pagibigfund.gov.ph ug anaa sa likod sa maong form ang rekisitos sa filing diin pinaagi sa Penalty Condonation, mamahimong magbayad ang mga employers nga wala nakabayad sa kontribusyon sa ilang mga empleyado sa pila ka tuig nga walay multa sa Pag-IBIG.
RadyoMaN Renz Barbarona
