Davao City – Gianunsyo sa Pag-IBIG Fund Davao ngadto sa mga tanang adunay housing loan nga sugod karong Hulyo 1, 2018 dili na sila magdawat og bayad over the counter sa Pag-IBIG office.
Kini ang gianunsyo ug gipahinumdom nila Cristlyn Campaña ug Jessa Torres sa Pag-IBIG fund Davao atol sa pakighinabi kanila sa tulumanong Serbisyong Straight to the Point sa DXDC RMN Davao.
Sumala nila nga mamahimong mubayad na sa bayad centers ug service centers sa pag-IBIG nga nahimutang sa may mall sa Ecoland ug Lanang ug uban pang bangko diin asa pwede mubayad alang sa housing loan.
Sa pikas bahin, giklaro usab sa Pag-IBIG nga mamahimong mag-advance payment ang mga miyembro alang sa duha ka bulan, quarterly o usa ka tuig.
Apan ilang gipahinumdoman ang mga miyembro nga i-note sa payment order form ug iingon sa in-charge sa Pag-ibig og unsa nga period ang ilahang bayaran aron mahan-ay ug dili malibog sa panahon nga i-check ug gamiton na ang account.
RadyoMaN Renz Barbarona
