Davao City – Gianunsyo karon sa Pag-IBIG fund Davao nga abri na ang aplikasyon alang sa ilang aktibidad nga “I do, I do” o libreng Kasalan sa Pag-IBIG fund nga himuon karong umaabot nga Pebrero 14, 2019.
Sumala ni Jessa Torres sa Pag-IBIG fund atol sa interview ni RadyoMaN Misel Miral-Galve kaniya sa Serbisyong Straight to the Point, mamahimong magpalista lang sa bisan asang opisina sa Pag-IBIG fund sa Davao region.
Dugang ni Torres nga atol sa pagpalista, mamahimong magdala og Certificate of No Marriage Record kun CENOMAR, birth certificate, certificate gikan sa Brgy. nga nagpamatuod nga nag live in na diin usab maoy ginaprayoridad sa maong aktibidad apan abli gihapon kini sa mga dili mag live in.
Apan pahinumdom sa Pag-IBIG fund nga kinahanglan miyembro gyud niini ang duha ka magpakasal ug dili kadtong usa lang.
Sa karon, wala pay gibutyag nga lugar og asa ilusad ang kasalan diin muabot sa 100 ka mga pares ang ilang ikasal karong umaabot nga Pebrero.
RadyoMaN Renz Barbarona
