Davao City – Maapektuhan ang mga empleyado nga wala mahulugan sa kontribusyon sa pagproseso sa ilang loan og wala maka-apply ang mga employers sa Penalty Condonation.
Kini ang giingon ni Jessa Torres sa Pag-IBIG fund atol sa interview kaniya ni RadyoMaN Misel Miral-Galve sa Serbisyong Straight to The Point.
Matud ni Torres nga kinahanglan usa atimanon sa employers ang mga wala nahulog nga kontribusyon sa ilang mga empleyado ayha sila maka-loan.
Busa nagpahinumdom usab ang Pag-IBIG fund ngadto sa mga employers nga wala nakabayad sa kontribusyon sa ilang mga empleyado sulod sa pila ka bulan ug tuig nga mamahimong mag-file og Penalty Condonation sa savings diin kutob June 2019 nalang ang deadline niini.
Alang sa mga buot mu-apply, i-download lang matud pa ang form sa www.pagibigfund.gov.ph ug anaa sa likod sa maong form ang rekisitos sa pag-file niini.
RadyoMaN Renz Barbarona
