Davao City – Gipahinumduman karon sa Pag-IBIG fund ang tanang miyembro nga dili magpailad sa mga gihanyag nga libreng house and lot o unsa pang promo pinaagi sa mga pekeng website o facebook pages.
Kini mao ang gihisgutan nila Jessa Torres ug Romeo Abucejo sa Pag-IBIG Fund Davao sa Serbisyong Straight to the Point uban si RadyoMaN Renz Barbarona.
Giingon ni Torres nga nagpagula og pahinumdom ang ilang central office alang sa mga miyembro human nga adunay mga tao o organisasyon nga nagadumala og pages o website ug nagpakaaron ingnong konektado sa Pag-IBIG fund.
Subay niini, giklaro sa buhatan nga og aduna may raffle o promo alang sa mga miyembro, ginaanunsyo nila kini pinaagi sa ilang opisyal nga website nga mao ang www.pagibigfund.gov.ph/ o opisyal nga facebook na facebook account nga mao ang (facebook.com/PagIBIGFundOfficialPage).
Dugang pa nga og aduna may mamatikdang iligal nga binuhatan o scam nga nahisubay sa nahisgutan, mamahimo dayon kining i-report sa Pag-IBIG fund office o mutawag sa ilang contact number nga 224 2285.
RadyoMaN Renz Barbarona
