Davao City – Mudagan nalang og usa ka adlaw ang pagproseso ug pagkuha og loyalty card sa Pag-IBIG fund.
Kini ang maayong balitang dala ni Jessa Torres sa Pag-IBIG fund atol sa interview ni RadyoMaN Misel Miral-Galve kaniya sa Serbisyong Straight to the Point.
Sumala ni Torres nga sa miagi, mudagan pa og duha ngadto sa tulo ka bulan ayha makuha ang loyalty card gani gawas sa 1-day process, wala usab kini expiration.
Apan sa karon segun niini nga wala pay petsa og kanus-a pwede mag proseso sa nasangpit nga card hinuon gipaniguro sa buhatan nga sa 1st quarter karong tuiga mag abri na ang application alang sa pagkuha og loyalty card.
Ang maong card maoy gamiton sa mga miyembro sa pag loan ug dili na kadtong cash card.
Samtang nanawagan usab ang Pag-IBIG fund ngadto sa mga miyembro nga wala pa nakuha ang loyalty card nga giproseso sa miaging tuig nga kuhaon na kini sa opisina kung asa nag pa ID o nagproseso.
RadyoMaN Renz Barbarona
