Pag-iisyu ng CPR sa imported meat products mula sa mga bansang apektado ng ASF, itinigil na

Itinigil na ng Food and Drug Administration o FDA ang pag-iisyu ng Certification of Product Registration o CPR sa mga pork processed product na galing sa mga bansang apektado ng African swine fever (ASF).

Ayon kay Agriculture Undersecretary Ariel Cayanan, nakipag-koordinasyon na sila kay FDA Director General Undersecretary Enrique Domingo hinggil dito.

Batay sa abiso ng FDA, Hulyo o Agosto pa ng 2018 naglabas ng notice kaya dapat ay hindi na nakapasok sa Pilipinas ang mga pork processed product mula sa mga bansang apektado ng African swine fever.