Ipaimbistigar sa hepe sa kapolisan sa lalawigan sa Sugbu , Sr. Supt Manuel Abrugena ang nahitabo nga pag-ilog sa usa ka lalaking hubog sa patrol car sa Special Weapons and Tactics (SWAT) sa dakbayan sa Naga.
Nailog ang patrol car sa hubog nga si Ricarte Lascuña Cantano molopyo sa Purok Cadahuan Barangay Lutac , sa Naga gikan sa SWAT Team driver nga si PO2 Glen Conahap.
Ang grupo ni Conahap nirespondi sa lugar subay sa panag-away ni Cantano ug sa kapuyo niini, aron imbitahan kini sa police station.
Apan dihang gipasakay na si Cantano sa patrol car aron dalhon sa police station , nidali kini pagbalhin sa driver`s seat ug gipasutoy ug dagan ang sakyanan .
Nabiyaan intawon si Conahap ug ang kauban niini sa grupo .
Ang patrol car giabandonar ni Cantano sa quarry site sa Barangay West Poblacion ug narecover na sa kapolisan .
Samtang pabilin nga nagtago-tago gikan sa kapolisan si Cantano.
