Davao City – Preparado na ang Committee on Environment sa Davao City Council sa paglusad og imbestigasyon sunod semana tungod sa paghinay sa tubig sa Tamugan River, Baguio District, Davao City sa nakalabay’ng mga adlaw.
Matud ni Davao City 1st District Councilor Tek Ocampo, tumong sa imbestigasyon aron sutaon kung tinuod ang report nga nadawat sa iyang buhatan sa gihimong irigasyon ug gisuyop sa usa ka resort ang tubig sa Tamugan River hinungdan sa paghinay niini.
Plano ni Ocampo, ipatawag sa committee hearing ang Barangay Tamugan Council, City Environment and Natural Resources Office, City Agriculture Office ug represintante gikan sa Apo Agua. I-base sa Konsehal sa iyang sunod nga lakang, kung unsa ang mahimong resulta himoong imbestigasyon sa iyang komitiba.
RadyoMaN Joel Viray
Facebook Comments
