TACLOBAN CITY – Iginduduso han Philippine Coconut Authority (PCA) an mga ahensya han gobyerno pati na an and Local Government Units nga magserbe hin buko juice ha mga events ngan seminars kaysa hiton mga soft drinks para mabuligan an mga coconut farmers nga nag aantos hin hamubo nga presyo han kopras.
Sumala kan PCA Eastern Visayas Manager Jeffrey De Los Reyes, an pagserbe hin buko juice in usa nga paagi para mapokusan an 3.5 million katawo ha rehiyon nga nadependar ha industriya han lubi.
“If one-half of our population will drink buko everyday, it will be a big help to our farmers. With the help of lgus, let’s make buko available even in subdivisions” hi Delos Reyes ha interview han Manila Bulletin.
Siring ni Delos Reyes, humamubo hin duro an presyo han kopras tikang ha P38 to P12, tinikangan dida han Enero han nakalabay nga tuig.
Ini nga nananabo nga krisis ha industriya han kopras in magbiling hin iba pa nga paagi kun paunanhon gamiton an lubi ha iba pa nga pagkakakitaan.
Labot la han buko juice, ginduduso gihapon han PCA an iba nga produkto gamit an lubi sugad han coconut sugar, tuba, su-oy, buko pie ngan iba pa.
